cfare mendimi keni per kujdesin mjeksor qe ofrohet neper spitalet tona?
marr shkas nga nje vizite e bera para nje muaji ne spitalin e beratit.
te gjithe u shprehen se ne ate spital para disa kohesh ishte hedhur per investim lek i madh,por une nuk pash gje.pervecse dhomave te vogla,pa lavaman brenda(pa le te mendosh per gje tjeter).
edhe ne tirane situata paraqitet e njejte,mjeke qe te shohin si prerje monedhe dhe jo si pacient

juno,kur flet per faktorin kulturor si nje nder faktoret qe duhet marre parasysh ne hartimin dhe implementimin e strategjive dhe reformave per shendetsine per cfare konkretisht e ke fjalen se une te them te drejten huk po e kuptoj

tani po me duhet te te falenderoj per dy arsye :
per shpjegimin e qarte dhe te kuptueshem si dhe per idete e tua lidhur me temen

Shendetesia eshte nje nga fushat qe prej dekadash ka degraduar dhe nuk ka ndjere ndonje lloj permiresimi. Nderrohen emrat, por problemet ngelen kurdohere evidente. Sherbimi gjysmak, ambientet jashte cdo lloj normaliteti, ilacet qe mungojne dhe kontrolli ndaj tyre i paket, aparaturat te vjeteruara, demotivimi i doktoreve per shkak te rroges, korrupsioni dhe pagesat nen dore, numri i paket doktoreve per banore, mungesa e specializimit te mjekeve te rinj dhe problemet e higjenes jane disa prej pikave qe duhen prekur per te ndjere eren e suksesit te reformes ne shendetesi.
Duket qe gjithe strumullari i gjithe te keqijave qe vijne lidhur me sistemin e shendetesor vjen nga keqmenaxhimi i kontributeve shendetesore. Edhe pikat qe ke kapur Juno mendoj se jane efikase per te realizuar reformen, megjithese duket pak ideale per t'u zbatuar ne Shqiperi.  
Lexova qe projektligji i ri per sigurimet shendetesore parashikon qe tashme nuk do kete sherbime me falas, cdokush eshte i detyruar te paguaje. Ata qe nuk jane te siguruar jane te detyruar te paguajne 100 % sherbimin, ndersa te siguruarit i bie te bashkefinancojne pasi te perllogariten kostot e sherbimit qe ka marre.  Vetem urgjenca do e kete sherbimin falas, te gjitha te tjerat do i kene sherbimet me leke.  
Nuk e di se c'efekt do kete kjo realisht ne permiresimin e sherbimit dhe frenimin e rryshfetit, por kam frike se nga "kultura" qe ka marre ky populli yne, do detyrohet te paguaje 2 here, mjekun nen dore dhe faturen ligjerisht.  
 
Megjithate mbase artikulli me poshte na sjelle nje analize me te qarte rreth situates ne shendetesi:
 
 
 
Reformat" në mjekësi e kanë kthyer qeverinë në zhvatëse të pacientit
 
nga Arben Runa, nëntor 2008  
 
Askush nuk mund ta mohojë dot më se anija e shëndetësisë shqiptare ka cekur fundin, dhe duhet bërë diçka patjetër që të dalë në det të hapur. Diskutimi rreth reformës në shëndetësi, i cili ka nisur prej disa muajsh, ngjan më shumë një përpjekje për alibi në fund të mandatit sesa një brerje ndërgjegjeje për gjërat që s’shkojnë mirë. Duke pasur parasysh ndjeshmërinë e popullatës ndaj problemit të lidhur me shëndetin, e cila është një kartë, me të cilën fiton ose humb zgjedhjet edhe në vende më të qytetëruara e me shkallë më të lartë ndërgjegjësimi se ky yni për rëndësinë e votës së tyre, sigurisht kjo kartë nuk është hedhur pa një qëllim të caktuar.  
 
Them është një lojë e stisur dhe jo një motivim i vërtetë për reformë për disa arsye:
Së pari, asnjë qeveri nuk i nis reformat e vështira si kjo e shëndetësisë në fund të mandatit të saj qeverisës, sepse, edhe sikur ta ketë me gjithë mend kësaj here, nuk ka në dispozicion kohën e duhur për ta implementuar, pasi rezultatet duken pas disa vitesh dhe jo për disa muaj.  
 
Së dyti, ato hapa që po trumbetohen si reformë e si arritje, vetëm reformë nuk janë. Kam dëgjuar t’i referohen shembullit të spitalit të Durrësit si model, por në të vërtetë ai është një model se si nuk duhet reforma, se po u bë si në spitalin e Durrësit, s’kemi bërë gjë, siç nuk kemi bërë asgjë sistematikisht 10 vjetët e fundit.  
 
Spitali i Durrësit është një projekt pilot i bërë 7-8 vjet më parë. Më thoni, a mund të quhet pilot 8 vjet një projekt? Pas një apo dy vjetësh asgjë s’mund të quhet pilot, po ka një emër tjetër, sukses apo dështim, dhe këtë më duket se kanë frikë ta pranojnë autoritetet përgjegjëse.  
 
Cila është reforma në spitalin e Durrësit, veçse ndryshim i xhepit nga merren paratë, pra, ato pará që merreshin dikur nga Ministria e Shëndetësisë, tani merren nga ISKSH.  
 
Më tej gjithçka vazhdon si në gjithë spitalet e tjera të vendit, rrumpallë as falas, as me pagesë, ku marrin të njëjtin shërbim si ata që paguajnë sigurime, dhe ata që kurrë s’kanë paguar të tilla, ku mjekët marrin të njëjtën rrogë, paçka se në fund të vitit njëri ka bërë 200 operacione dhe tjetri vetëm 12 të tilla, se nuk varet direkt nga Ministria e Shëndetësisë, por nga një bord që detyrimisht e udhëheq zv/ministri i Shëndetësisë e plot absurditete nga ato, me të cilat është mbushur sistemi ynë shëndetësor. Pra, në thelb kemi të njëjtën formë të prodhimit të shërbimit, veçse më të lustruar, në vend të Ali Hoxhës kemi Hoxhë Aliun.  
 
Së treti, lufta ndaj korrupsionit që gjoja ka nisur në spitale, është një farsë e turpshme. Korrupsioni nuk luftohet dot duke iu vendosur prangat demonstrativisht 2-3 mjekëve, qofshin këta edhe nga ata që e kanë bërë baltë fare.  
 
Ç’kemi arritur pas arrestimeve veç sofistikimit të marrjes së bakshishit?
Gjendja është bërë edhe më e turpshme, se tani duhet ta ndjekësh mjekun për t’i dhënë paratë, të kërkosh forma dhe metoda të reja për ta marrë me mend se sa do doktori, sepse nuk guxon të ta thotë më njeri, të përpiqesh t’i fitosh besimin, se nuk je i pajisur me përgjues e të tjera marrëzira që më tepër ua nxijnë jetën hallexhinjve se sa u vijnë në ndihmë.  
 
Po t’i mbledhësh të gjitha bakshishet që marrin mjekët në një spital, zor se bëhen aq sa vjedh ndonjë zyrtare e shpëlarë me dhallë e që fati i pamerituar e ka degdisur në majë të piramidës së shëndetësisë. Por, le të bëjmë një llogari më të thjeshtë, le të marrim një çift mjekësh burrë e grua, me dy fëmijë, që kanë vendosur të besojnë propagandën bajate e të vendosin të mos pranojnë bakshishe. Të dy së bashku marrin si pagë mujore nga 30 000 lekë që së bashku bëjnë 60 000 lekë. E ndarë për frymë iu bie 15 000 lekë për person, çka nuk mjaftojnë as për t’u ushqyer. Por, po t’i zbresim kësaj shume edhe 10 000 lekë korrent dhe 5000 lekë telefon fiks, sikur të mos përdorin celular fare, ndonëse ua do puna, bilanci bëhet katastrofik.  
 
Atëherë, ky çift intelektualësh të nderuar që kanë vendosur të jenë të ndershëm është para alternativës ose të besojë kryeministrin dhe të shohë fëmijët e tij të vdesin urie, ose të dalë të çalltisë ku të mundet, pasi të qenit të ndershëm për të mbetet perpetum mobile.  
 
Përse duhet të punojë më shumë e me më përkushtim ky çift mjekësh, kur në fund të muajit do të inkasojë të njëjtat të ardhura si me shumë punë, si me pak, duke iu nënshtruar një barazitizmi që po e vret shëndetësinë?  
 
Së katërti, meqë jemi në fazën e shqyrtimit të projektbuxhetit dhe kemi para syve shifrat,për shëndetësinë është planifikuar një shumë sa 3,4 e prodhimit të brendshëm bruto të vendit. E meqë parlamentarët tanë e kanë nisur llogaritjen me PBB, është mirë që dhe krahasimet t’i bëjmë me PBB.  
 
Sipas studimit të Bankës Botërore, Shqipëria harxhon në një vit për shëndetësinë 6,4 % të PBB, ku 40% të kësaj shume e jep shteti, ndërsa 60% del nga xhepat e popullatës. (Pará nga xhepi nuk janë ato që jepen bakshishe, por ato që i sëmuri shpenzon për të blerë ilaçin që s’e ka spitali, për të bërë ekzaminimin te privati, për një aparaturë që s’e ka spitali apo që s’funksionon etj., si këto).  
 
A ka njeri që të më thotë se ku do gjenden 50% të fondeve që mungojnë, sepse qeveria jep vetëm 3,4%, pra, gjysmën e asaj që nevojitet për një vit për shërbim bazë veçse nga xhepat e pacientëve sërish. Në këtë kontekst del se hajduti më i madh që zhvat pacientët është qeveria vetë, para çdo mjeku sado i korruptuar qoftë ky i fundit. Fondi i vënë në dispozicion e parathotë se ç’do të jetë mjekësia shqiptare edhe vitin e ardhshëm, pra, që edhe po të mirëmenaxhohet për gjysmën e pacientëve sërish nuk do të ketë barna, gjysmë e pacientëve sërish mund të vdesin, me bekimin e qeverisë, natyrisht.  
 
Së pesti, të paktën na bëni një nder të fundit, ndërroni fytyrat e atyre që dalin nëpër TV e bëjnë be e rrufe se vetëm ata e dinë si bëhet reforma. Përjetësisht të njëjtat fytyra të pështira, të majmura me lekë ilaçesh që asnjëherë s’na thanë pse s’e kanë bërë deri më sot, por paskan pritur kaq gjatë, megjithëse idetë i kanë pasur. E vetmja pritje që ia ka vlejtur për ata, është që t’u realizohet ëndrra e marrjes së gjithë buxhetit dhe tenderave të mjekësisë në një dorë, në një bankë, në një familje. Kjo është realizuar tashmë dhe do të fillojë të vihet në jetë me buxhetin e ri në vitin 2009, por kjo nuk ka të bëjë me reformën, por platformën e plaçkitjes së buxhetit të shtetit për mjekësinë.  
 

Deri me 31 mars, spitalet kontrata me ISKSH
 
 
 
 
Drejtoresha e ISKSH-se, Elvana HanaQytetaret shqiptare nuk do t’u paguajne me para nen dore mjekeve  nese jane te siguruar. Deri ne  31 mars 2009, 39 spitale te vendit do te lidhin kontrate me Institutin e Sigurimeve Shendetsore, i cili kerkon permbushjen e disa standarteve duke perfshire edhe eliminimin e mitmarrjes.  
“Do te kete penalitet per pagesat informale, do te kete sanksione qe do te nisin qe nga heqja e pagave dymujore, deri ne shkeputjen e plote te kontrates per mjekun qe ka qene pre e marrjes se parave”, u shpreh drejtoresha e ISKSH-se, Elvana Hana.  
 
Spitalet nuk do te mbeten me pa ilace per pacientet pasi tenderat do t’i zhvillojne vete ata sipas nevojave. Spitalet tashme do te jene autonome dhe buxhetin qe si fillim e marrin nepermjet Ministrise Finanaceve do ta administrojne vete.
 
“Buxheti i spitaleve trashegohet nga viti ne vit dhe nuk do te kete zerim te parave, po cfare do te mbetet nga viti paraardhes do te jete nje mundesi per vetemenaxhim”, u shpreh Hana.  
 
Buxheti per sherbimin spitalor eshte parashikuar ne 11.9 miliarde leke. Ky eshte vetem fillimi i reformes, nderkohe qe impakti i saj tek pacientet do te ndihet pas nje periudhe tre vjecare.
 
 
Nisur nga ky informacion i deklaruar nga Drejtoresha e ISKSH si mendoni  
Ju duket e drejte kjo reforme ne shendetesi ?

Do ishte mire sikur te githa qe jane me siper te zbatoheshin me perpikmeri sepse , dhe mjeket do punojne me me shume pergjegjshmeri , dhe ndoshta do i tremben ketyre masave qe do meren ndaj tyre nese , marin para kesh ne dore nga pacienti duke u penalizuar me heqje rroge dhe madje nderprerje te kontrates . Te shpresojme qe te permiresohen kushtet ne spitalet tona , dhe shqiptaret mos te hyjne te trembur neper spitale sepse nuk kane aq leke per tua vene ne xhep mjekeve e infermiereve , perpos hallit qe ju ka rene dhe i ka cuar deri aty. Uroj uroj te behet me mire !!

Jo per gjithcka qe ndodh ketu e ka fajin kryeministri ,sepse ai mund te jete i fundit qe mund ta marri vesh ,por ka pergjegjesine kryesore per ti vene para pergjegjesise jo vetem keta mjek te pashpirt dhe te pacipe qe i sorrollatin keta njerez pa perkrahje,pa lek dhe ne fund i vdesin por edhe drejtuesit e instancave perkatese me te larta per nje neglizhence te madhe ne drejtimin e institucioneve te tyre.
Mjere ne per keta drejtuesa te paafte qe kemi ,per keta mjek te pashpirt qe po si kove me leke te vdesin,per kete sistem drejtesie qe mjafton me nje heqje license per 1 ose 2 vjet per keta mjek dhe po e mbyll kete koment me nje urim
MOS JU RENTE HALLI PER NE DYERT E SPITALEVE !

Vajza nga Kuçova, hetim edhe për stafin mjekësor
 
 
Prokuroria: "Veç mjekut, prokuroria po heton edhe ndihmësit e tij dhe infermierët"
 
Zgjerohet rrethi i të hetuarve për ndërhyrjen kirurgjikale të gabuar ndaj adoleshentes nga Kuçova. Burimet policore shpjegojnë se i gjithë stafi mjekësor që është marrë me vajzën e re është nën hetim, për të gjetur përfundimisht se cilët janë të përfshirë në pakujdesinë e mjekimit ndaj saj. Sipas të dhënave, materialet janë referuar në prokurori dhe pritet që të shqyrtohen të gjitha të dhënat për të ngritur akuzat ndaj personave përgjegjës. Megjithatë, e gjithë kjo situatë ka sjellë mjaft shqetësime si për vajzën e re, Enxhi Praka, ashtu edhe për prindërit e saj, ku grupi hetimor është detyruar të vendosë një punonjës policie nga frika se ndokush mund të hakmerret ndaj tyre për shkak të denoncimit të bërë pranë organeve kompetente. E njëjta situatë ka vazhduar edhe ditën e djeshme, ndërkohë që pritet që vajza të këtë ndërhyrje tjetër kirurgjikale, këtë radhën në këmbën e sëmurë. Burimet nga prokuroria shpjeguan se fillimisht u denoncua vetëm mjeku Gjergji Çaushi, i cili është pezulluar nga detyra, por nga marrja e dosjes në shqyrtim, nën hetim është vënë edhe stafi ndihmës ndaj tij. Hetimet do të nxjerrin në pah përfshirjen dhe fajësinë e gjithsecilit ndaj mjekimit të gabuar të vajzës së re, rikuperimi i së cilës mund të zgjasë deri në pesë vjet. Gjithçka ndodhi pas shkrimit të publikuar në “Shqip” të premten, ku denoncohej se një 15-vjeçare ishte bërë operim në këmbën e majtë, pavarësisht se sëmundjen e kishte në këmbën e djathtë. Nëna e saj, Edlira Praka, i është drejtuar policisë, duke denoncuar mjekun që kishte kryer këtë ndërhyrje të pakujdesshme. Oficerë të policisë gjyqësore dhe prokurorë të Prokurorisë së Tiranës kanë kontaktuar me vajzën nga Kuçova, Enxhi Praka, në gjendje jo të mirë shëndetësore, e cila ndihej e frikësuar nga situata e krijuar, por edhe pse shihej ndryshe nga mjekët. Ajo dhe prindërit u ka thënë hetuesve gjithçka ka ndodhur më 10 maj. Atë ditë, Enxhi Praka, 15 vjeçe, kishte ardhur nga Kuçova për t’u shtruar në spital.