per tu pergezuar si te rrinjte per te gjitha keto aktivitetet qe do kryhen ashtu edhe bashkia per inisiativen qe ka marr per sistemin e ketij sheshi.

“Presidenti i planetit të kuq” promovohet në Kuçovë
 
Ditën e premte më 10 prill në sallën e Bibliotekës Publike të Qendrës Kulturore u zhvillua një ceremoni e bukur promovimi për romanin e fundit të autorit të madh për fëmijë Bedri Dedja. Mes të pranishmëve që përfaqësonin lexues, mësues dhe nxënës, ishin edhe vajza e autorit, personaliteti i shquar i jetës artistike dhe politike në Zvicër znj. Edlira Dedja, miq zviceranë, autoritetet vendore, deputeti Pilo Këri, përfaqësues nga Universiteti “UFO” etj.
Në recensionet e tyre Vjollca Kllapi, Alma Dhëmbi dhe Elvira Dollomaja sollën për auditorin mjeshtërinë artistike të autorit në krijimin e situatave të besueshme dhe të pasura për botën shpirtërore të fëmijëve, në mesin e një subjekti fantastiko-shkencor ku zhvillohen ngjarjet e romanit.
Më pas e morën fjalën edhe diskutantë të tjerë që vlerësuan figurën mjaft komplekse të autorit si profesor, psikolog, publicist, shkrimtar dhe akademik.
Përveç të tjerash të gjithë u shprehën me fjalët më të mira për nivelin e organizimit të aktivitetit, që ishte sa solemn, aq edhe emocional për të gjithë të pranishmit. Edlira Dedja u shpreh se “...ky ishte nje aktivitet i mrekullueshëm” duke qënë kështu vlerësimi më i mirë për organizatorët, pra Qendrën Kulturore nga njëra anë dhe sponsorin e takimit, biznesmenin Ilir Musta nga ana tjetër.
200 kopje të librit iu dhuruan shkollave të qytetit dhe Bibliotekës Publike. Në fund për të pranishmit u dha nje koktej, sponsorizuar edhe ky nga z. Ilir Musta.
Dhimitër Druga
 
 

Edlira Dedja
 

Te pranishem ne promovimin e librit "Presidenti planetit te kuq"
 

Çaste nga aktiviteti

me pelqeu faqa qe kane hap ata te qendres por me shuem ajo copyring@qendra

urime per kete aktivitet plot me surpirza dhe momente te kendeshme realizuar nga te rinjte e kucoves.BRAVO per te gjithe te angazhuarit ne kete aktivitet.

vlen per tu cilesuar dhe pergezuar strukturat perkatese qe e organizojne kete aktivitet ,madje edhe ata pak sponsora edhe pse kam pershtypjen se duhej te kishte nje perkrahje me te madhe nga biznesi kucovar.
me vjen habi me mos perfshirjen e Zotit P.Kerri ne kuader te sponsorizimeve duke pasur parasysh perfshirjet e meparshme ne keto lloj aktivitetesh

KUÇOVA FESTON EMIGRANTET
 
 
14 gusht 2009, e premte, ORA 19.30.  
 
Qëndra Kulturore dhe Bashkia Kuçovë kanë ftuar emigrantët e pranishëm në qytet të marrin pjesë në një takim festiv në sheshin para bashkisë. Nuk kishte vend për dyshime nëse do të kishte pjesëmarrje apo jo. Rreth orës 19.00 sheshi filloi të mbushej me njerëz si asnjëherë tjetër. Familje, grupe shokësh e miqsh, pleq e plaka, të rinj e reja dhe padyshim shumë emigrantë që këtë ditë u ndodhën në qytet iu përgjigjën ftesës së organizatorëve.
Premtimet ishin të shumta: këngëtarë nga Berati të drejtuar nga ALTIN METOHU, 5 këngëtarë të nivelit kombëtar të mundësuar nga “OSUMI TRAVEL”, shërbim tregtar i të gjitha natyrave i vendosur në të dy anët e sheshit (përfshirë qengja të pjekur në hell) paralajmëruan një festë të vërtetë popullore.
Dhe në fakt nuk ishte thjesht një koncert, pavarësisht emrave të njohur të muzikës së lehtë dhe popullore, si Maya, Anjeza Shahini, Erga Halilaj, Dule Malindi dhe Ylli Baka. Nga ana tjetër , nuk ishte thjesht një darkë në shesh, pavarësisht guzhinave të mirënjohura të Restorant Natyrës, Picerisë së mirënjohur CROSS etj, apo produkteve të skarës që ofronin mjeshtrat e hot-dogut të Kuçovës.
Ishte një përzierje e të dyjave, një koncerto-darkë apo darko-koncert në stilin e festave të njohura popullore që organizohen në gusht anembanë Europës.
Në fund, mbas rreth 3 orë aktivitet, sheshi i zbrazur ofronte pamje si nga një fushë-beteje ku njerëzit në luftë me pijet, ushqimet e ndryshme dhe këngët, kishin dalë fitimtarë: dëshmi ishte një shesh i përmbytur nga mbeturinat, por në këtë rast dëshmia më e mirë se festa kishte patur sukses.
 
Qendra Feniks

SHKELQIMI DHE RENIA E NJE KINEMAJE  
 
Megjithse duhet të sqarojë që në fillim se është pak ta quajmë thjesht “kinema” ndërtesën në qëndër të Kuçovës që çuditërisht në konceptin e arkitektit dhe urbanistit italian të kohës i ka kthyer shpinën sheshit kryesor të qytetit.
 
Pra, përse është pak ta quajmë thjesht “kinema”?
 
 
PAK HISTORI
 
Kinemaja (mbase do ishte më mirë të shkruanim “ish-kinemaja?) e Kuçovës është një ndërtesë historike. Ajo është dëshmitare e kohës kur AIPA (Ndërmarrja Italiane e Naftës në Shqipëri) vendosi të ndërtonte në fillim të viteve ’30 të shekullit të kaluar një bërthame urbane në Kuçovë, ku u përfshi edhe kinemaja.
 
Duhet shënuar se për kohën ajo ishte një ndërtesë shumë moderne, që bashkonte mirë si anën funksionale, ashtu edhe paraqitjen e jashtme elegante të strukturës.
 
Përveç sallës së spektatorëve, e përbërë nga platea dhe galeria, skena nuk kufizohej vetëm me ekranin, por siguronte edhe një thellësi (boka-skena) që mundësonte edhe ndërtimin e skenografive modeste dhe lojën e një trupe të kufizuar aktorësh etj.
 
Gjithashtu, salla kryesore kishte mjaft ambjente ndihmëse të ndryshme në të dyja katet e ndërtesës që siguronin shërbime të nevojshme për funksionimin e mirë të sa thamë më sipër.
 
Kuptohet që kjo strukturë shërbeu edhe gjatë viteve të komunizmit: përveç funksionit të saj kryesor si kinema, aty zhvillohej e gjithë jeta artistike e mundshme e kohës, pra herë pas here organizoheshin koncerte, trupat amatore vinin në skenë pjesë të vogla dramatike apo komike dhe njëkohësisht bënte të mundur edhe ardhjen e trupave profesioniste nga kryeqyteti apo qytetet e tjera të vendit.
 
Me pak fjalë, ajo ishte salla e vetme e qytetit me një skenë që mundësonte jetën artistike dhe kulturore të Kuçovës për dhjetra vite me rradhë.
 
 
EMERTIMET
 
Për mbi 40 vjet ajo është quajtur me emrin “18 tetori”, datë që shënon çlirimin e Kuçovës nga pushtuesit gjerman.
 
Mbas rënies së komunizmit, kinemaja, duke qënë pjesë e sistemit të institucioneve të kulturës që vareshin nga bashkimet profesionale të kohës, në korrik 1992 i kaloi sindikatave të pavarura.
 
Ndryshoi edhe emërtimi i saj, u quajt Kinema “ALEN DELON”. Më vonë ndryshoi përsëri pronësi, pasi në fund të viteve ’90 u privatizua dhe mbas rikonstruksionit që i bëri pronari i ri u quajt “MILLENIUM-CINEMANIA”.
 
Mbas një rifillimi të bujshëm të aktivitetit si kinema me teknologji moderne dhe arredim bashkëkohor të sallës dhe të gjitha ambjenteve, ndryshoi emërtim për të katërtën herë: tashmë e pagëzuan “KADRI ROSHI” në respekt të figurës së aktorit të madh shqiptar, ndoshta më i madh se Delon dhe sigurisht më i rëndësishëm se manitë e milleniumit.
 
 
PO SOT?
 
Por fatkeqësisht edhe ky emërtim nuk qëndroi gjatë, për arsyen e thjeshtë se kinemaja ka pushuar së ekzistuari si e tillë prej 3 vjetësh.
 
Arsyet? Thamë “arsyet” dhe jo “aryeja” sepse janë të shumtë faktorët që ndikuan në këtë rënie: ligjorë, social, teknik dhe administrativ që të mpleksur së bashku çuan në mbylljen e dyerve të së vetmes sallë shfaqjeje në qytet.
 
Thuhet...po çfarë nuk thuhet në ditët tona, se do t’i rikthehet shtetit (pushtetit vendor), por problemet nuk do mungojnë edhe në rast se projekt-ligji i pregatitur nga qeveria do arrijë të miratohet në parlamentin problematik shqiptar...
 
Sidoqoftë, për njeriun e thjeshtë që pret të shikojë një film apo një shfaqje artistike në atë sallë vazhdojnë të jenë të pakuptueshme arsyet se si ky institucion, i vetmi në qytet, vazhdon të mbajë dyert mbyllur dhe po rrënohet nën sytë e të gjithëve dhe pikërisht në qëndër të qytetit...
 
Për kuriozët, ndiqni videon duke klikuar në linkun http://www.youtube.com/watch?v=vEqL4fAX6Co .
 
Dhimitër Druga
28 shkurt 2010 - Qendra Feniks

RIKTHIM NE SKENEN QE E LINDI  
 
Alma Hyska rikthehet në skenën e qytetit ku filloi karrierën e saj artistike si këngëtare.
Mbase jo të gjithë e njohin vajzën e brishtë në pamje por të sigurtë në atë çfarë kërkonte të arrinte, në kohën kur ajo e filloi këtë karrierë.  
Ishte nxënëse e shkollës “8 nëntori” (sot 28 nëntori) dhe pasi kishte dhënë prova të një zëri melodioz dhe ç’ishte më e rëndësishmja, mjaft e intonuar, ajo u përzgjodh të këndonte në festivalin e këngës për fëmijë që organizonte atëhere Shtëpia e Pionierëve në bashkëpunim me Pallatin e Kulturës.
Këngëtarja e vogël pati kurajon të pranonte ftesën e shefit të muzikës së Pallatit të Kulturës për të kënduar edhe në aktivitetet që organizonte ky institucion, pra në shfaqjet për të rriturit.
Që atëhere çdo gjë eci në ngjitje për talentin e ri: frekuentoi shkollën e mesme artistike për muzikë në Berat dhe ndërkohë këndoi në skenat e Beratit, Tiranës (pjesëmarrje në Festivalin e Këngës në RTSH dhe Koncertin e Pranverës) dhe akoma më larg: duke kënduar edhe për publikun gjerman, vend në të cilin u vendos bashkë me familjen qysh nga viti 1992.
Në datën 8 maj Alma Hyska-Civeja do të jetë e ftuara e nderit në qytetin e saj gjatë spektaklit “RISI NE MUZIKE” që Qëndra Kulturore “FENIKS” organizon për të shtatin vit me rradhë.
Për më tepër, Almën mund ta gjeni në Facebook në adresën Alma Hyska-Civeja.
 
Qendra Kulturore Feniks
 

Te enjten me 1 korrik, ora 20.00 Qendra Kulturore Feniks organizon KONCERT 21 ne mjedisin e parkut, tek shkallet e Muzeut. Ne repertor do te jene kenget e zgjedhura te RISI 7 si dhe muzik live nga ALTIN METOHU BAND.
Koncerti mundesohet me mbeshtetjen e Fondacionit "Shoqeria e Hapur per Shqiperine" OSFA-SOROS.