Bulgakov, letrat drejtuar Stalinit
Përktheu: Kostaq Xoxa
Lloji: epistolar
Botoi: 55
Faqe: 128
 
Në arenën e gjerë të letërsisë ruse, në BRSS, unë qeshë ujkui vetëm. Më këshilluan te ngjyrosja lëkurën. Këshillë pa vend. Qoftë me lëkurë të lyer, qoftë i qethur, një ujk nuk do t’i ngjajë kurrë një qenushi qimedredhur. Me mua u sollën si me një ujk. Për vite më kanë mbajtur brenda një oborri të rrethuar sipas rregullave të akuariumit letrar. Nuk mbaj mëri. Por, i mposhtur nga lodhja, në fundin e 1929-ës rashë, i shembur. Edhe një bishë mund të lodhet…”. Këto rreshta, Mihail Bulgakov, burri që sot e shohim në ato foto qe ka lënë pas me flokët e krehur me kujdes sipër dhe me papionin me pika nën këmishën e bardhë, i hodhi në letër në ditët e fundit të jetës së tij. Në apartamentin e thjeshtë, dëgjoheshin veç hapat e Elenës (të shoqes) dhe frymëmarrja e rënduar e shkrimtarit që nuk donte të ikte pa i thënë të gjitha. Megjithatë, ai e dinte se Moska do të ishte sërish e njëjta të nesërmen dhe pas vdekjes së tij. Ajo që do të ndryshonte ishte vetëm Elena, kjo grua me sy plot jetë që e kishte dashur aq shumë. Ajo do të ngjante me erën që përplaset pemëve të Moskës gjatë vjeshtës së vonë, dhe askush, as letrat që Bulgakov ka lënë mbi tryezën e punës nuk do të mund t’ia largojnë trishtimin e saj. Bulgakov e dinte këtë gjë teksa i shtrëngonte fort dorënpara se të shkonte…
Elena Bulgakova, kjo grua ëndërrimtare do të kujdesej pas vdekjes së të shoqit për veprat e tij.  Romanet, tregimet, dramat, libretet operistike apo dhe fragmentet historike do të kalonin sërish në duart e kësaj gruaje, e cila do të këmbëngulte që ato të shihnin dritën e botimit. Por Mario Alesandro Kurleto, kritik i njohur i letërsisë, kërkon ta kuptojë këtë të fundit duke hulumtuar në jetën private të shkrimtarit. Bashkë me veprat që çoi në shtyp, Elena përgatiti për botim dhe letrat, që i shoqi ia dërgoi personazhit kryesor të komunizmit në Rusi, Stalinit. Këto letra për Kurleton janë një mënyrë për të kuptuar filozofinë e jetës nën komunizëm dhe pararojën e frikshme në të cilën duhet të jetonte Bulgakovi. Letrat tashmë mund të lexohen edhe në shqip nën përkthimin e Kostaq Xoxës, botuar nga shtëpia botuese “55”.
 
 
Mbretëresha e jugut
Autori: Arturo Perez-Reverte
Përktheu: Qamil Bedhia
Botues: Bota Shqiptare
Lloji: Roman
Faqe: 520
 
Një histori emocionuese, e ndërtuar mbi përjetimet magjepsëse të baladave të trafikantëve të drogës, ajo të ngërthen në sensualitetin dhe mizorinë, dashurinë dhe tradhtinë ashtu sikurse është vetë historia e pluhurit të bardhë. Në këtë roman Reverte, me një narracion të shkëlqyer ka ndërthururur misterin me të vërtetën.... Ajo u bë “Mbretëresha e Jugut” dhe për të u krijuan balada, të cilat edhe sot janë të ndaluara në disa vende të botës. Ndoshta mes të tjerash, është ndikimi i kësaj vepre që ka bërë Arturo Pérez-Reverten të jetë sot një nga autorët më të lexuar dhe më të dashur në rang botëror.
 
 
Ç’po bëhet me çështjen çame?
Autori: Miranda Vickers
Përktheu nga origjinali: Xhevdet Shehu
Botues: Bota Shqiptare
Faqe: 112
 
Cështja çame ka tri aspekte kryesore: së pari, është njohja e problemit nga qeveria greke; së dyti, është çështja e pronave dhe, së fundi është problemi i nënshtetësisë. Kur diskutohet problemi çam me politikanët shqiptarë, ata zakonisht thonë se ky nuk duhet parë si një kundërvënie politike me qeverinë greke, sepse ai ka të bëjë me çështje ekonomike dhe nuk ka kuptim të shndërrohet në një çështje politike.  Gjithsesi, ky qëndrim është sa i thjeshtëzuar, aq edhe i pasaktë, sepse çamët e shohin kompesimin financiar vetëm si një element në kërkesat e tyre.
 
 
Gazeta Milosao

Macja dhe miu
Autori: Günter Grass
Përktheu nga origjinali gjermanisht:
Afrim Koçi
Lloji: Novelë
Faqe: 140
Çmimi: 500 lekë
 
“Macja dhe miu” është një metaforë.  Joakim Malke, një djalosh jetim që jeton në Dacing të Gjermanisë, është miu dhe shoqëria që rrethon, është macja që e përgjon ta zërë në grackë.  Rrëfimi jepet përmes Pilencit, një prej shokëve të Malkes së Madh dhe fokusohet në kohën e Luftës së Dytë Botësore. Pjesa më e madhe e rrëfimit është e vendosur në anijen minakërkuese polake, vendi ku Malke dhe miqtë e tij takohen çdo verë dhe zhyten në thellësi për të nxjerrë prej andej gjithfarë mbetjesh lufte. Në një nga këto ditë, Malke i vjedh Kruqin e hekurt kapitenit të një anijeve, shkak ky për ta përjashtuar nga shkolla.  Duke iu bashkuar një batalioni luftimi, Malke shpërblehet me të njëjtin kryq për shërbimet e tij në beteja. I rikthyer sërisht në të njëjtën shkollë, tashmë triumfator, drejtuesi i shkollës nuk ia lejon atij të mbajë një fjalim përpara nxënësve, për shkak të asaj të shkuare të hidhur. Grass ka thyerje të shpeshta në libër dhe rrëfimtari flet herë në vetë të dytë, herë në vetë të tretë, enkas për të dhënë ambiguitetin e personazhit themelor të veprës si edhe marëdhënieve të tij me të tjerët. Duke përfituar nga ky trishtim i radhës i Malkes, Pilenci e shtyn atë të zhytej sërish, pa qenë i sigurt nëse ai do të mund të mbijetojë. Dhe Pilenz nuk e pa më kurrë Malken...  “Macja dhe miu” është një libër me stil, produkt i një pene mjeshtërore, që me një ftohtësi klinike analizon nën maskën e metaforës Gjermaninë e Luftës.
 
 
Bukuria mëkatare
Autor: Zadie Smith
Gjinia: roman
Përktheu: Marcela Bardhi
Faqe:444
Çmimi: 800 lekë
 
E vendosur kryesisht në Nju Inglënd dhe pjesërisht në Londër, Bukuria Mëkatare, trajton jetën e dy familjeve në armiqësi, Belsët dhe Kipsët, si dhe një sërë lidhjesh dashurore që sjellin fatkeqësi. Vë moralin e ulët përkrah idealeve të larta dhe ngre disa pyetje mbi atë që duhet dashuruar në jetë. Për Belsët dhe Kipsët, ngatërresat, si personale dhe politike, të moshës sonë të pacaktuar, bëhen pjesë e familjes. Zadie Smith, noveliste angleze, ka lindur më 25 tetor 1975. Deri tani ka shkruar tre romane.  Në vitin 2003, ajo u rendit në listën Granta të 20 autorëve më të mirë të rinj. Romani Dhëmbët e bardhë u bë menjëherë bestseller ndërkombëtar.  Romani i saj i tretë Bukuria mëkatare u botua në vitin 2005 dhe u klasifikua për çmimin MAN BOOKER PRIZE. Libri fitoi çmimin Orange Prize for Fiction në vitin 2006.
 
Trashëgima e humbur
Autor: Kiran Desai
Gjinia: Roman
Përktheu: Merita Meçe
Faqe: 382
Çmimi: 800 lekë
 
Në një shtëpi të shkatërruar, të izoluar në këmbë të malit Kancenjuga, në Himalaja, jetonte një gjykatës i dëshpëruar, i cili dëshironte të shijonte në paqe vitet e pensionit, kur mbesa e tij jetime, Sai, i shfaqet në derën e shtëpisë. Kuzhinieri i gjyqtarit kujdeset për të, ndërsa shpesh mendja i fluturon tek i biri, Bujuja, i cili rropatet sa në një restorant njujorkez në tjetrin. Novela brilante e Kiran Desait, shumë e bujshme, është njëkohësisht histori e gëzimit dhe e dëshpërimit. Personazhet e saj përballen me shumë zgjedhje që madhërishëm zbulojnë pasojat e kolonializmit teksa përplaset me botën moderne. Një nga novelat më mbresëlënëse në anglisht gjatë këtyre viteve, ju udhëzoj të gjithëve ta lexoni me gjithë zemër, brendësinë e rrëfimit dhe rrëfimin brenda jush. Kiran Desai lindi në Indi më 1971. Me novelën e saj të dytë Trashëgimia e humbur (2006) fitoi çmimin Man Booker Prize.
 
Atlasi dialektologjik i gjuhës shqipe
Këto ditë, pas një periudhe të gjatë qysh kur ishte mbaruar e dorëzuar në shtyp, u botua në Napoli Atlasi dialektologjik i gjuhës shqipe (ADGJSH), vepër madhore e gjuhësisë shqiptare, emërtesë e Akademisë së Shkencave, hartuar nga një grup specialistësh te dialektologjisë, punonjës të Institutit të Gjuhësisë dhe të Letërsisë, fryt i një pune të mundimshme e shumëvjeçare, në të cilën, për herë të parë në historinë e albanologjisë, dialektet e shqipes paraqiten sipas metodës së gjeografisë gjuhësore, në dy vëllime me harta dialektologjike. Atlasi, vëllimi i parë i të cilit sapo ka dalë në qarkullim dhe së afërmi del edhe vëllimi i dytë, është realizuar nga emra të njohur të gjuhësisë shqiptare, si: prof. dr. Jorgji Gjinari (drejtues), prof. dr.Bahri Beci, prof. dr. Gjovalin Shkurtaj dhe prof. dr.Xheladin Gosturani, të cilët jo vetëm plotësuan një mangësi të dukshme të Albanologjisë sonë, por edhe e rreshtuan shqipen në radhën e atyre gjuhëve që prej kohësh kishin hartuar vepra të tilla.
Atlasi dialektologjik i gjuhës shqipe (shkurt: ADGJSH) shënon kurorëzimin e punës e të përpjekjeve shumëvjeçare në terren, për të mbledhur materialin sipas pyetësorit përkatës, dhe në zyrë e në kartotekën e dialekteve të shqipes, pastaj edhe në hartat për paraqitjen e dukurive të dielekteve të shqipes sipas metodës së gjeografisë gjuhësore ose me anën e atlasit dialektologjik. Atlasi është, pa dyshim, një nga veprat më madhore të gjuhësisë shqiptare deri më tani, që radhitet për nga rëndësia krahas “Fjalorit” dhe “Gramatikës së gjuhës së sotme shqipe”. Kjo vepër është kurorëzim i zbatimit për herë të parë të gjeografisë gjuhësore në studimin e dialekteve të shqipes dhe paraqet në mënyrë të plotë e më të saktë dukuritë dialektore të gjuhës sonë me shtrirjen e tyre në krejt truallin shqiptar e në diasporën historike më të vjetër arbëreshe.
Mbi këtë bazë, sigurisht, do të zgjerohen e do të thellohen më tej njohuritë për dialektet e shqipes dhe do të bëhet e mundur të nxirren përfundime më të përditësuara për gjendjen e sotme të dialekteve tona e për historinë e tyre, duke u bërë mbështetje e gjithanshme për studime më të thelluara në këtë fushë.
Veprat e mëdha gjuhësore, sidomos fjalorët shpjegues, gramatikat akademike normative dhe atlaset kërkojnë punë në grup dhe kohë të gjatë realizimi. Atlasi ynë, duke qenë se kërkonte edhe shumë eksplorime në teren, që nga Vermoshi në Konispol, brenda hapësirave të Republikës, po edhe në trojet kompakte ballkanike të shqipes e në diasporat historike, ka zgjatur rreth njëzet vjet qysh nga ideimi e hartimi i parimeve teorike dhe i pyetësorëve përkatës, duke u aktivizuar në atë punë kryesisht katërshja e bashkautorëve të lartpërmendur. Për disa anketime dhe ndonjë proces tjetër, por jo gjatë gjithë kohës, kanë bashkëpunuar edhe studiuesit prof. dr.Menella Totoni e prof. as.dr.Anastas Dodi.
Vepra ka përfunduar qysh në vitin 1989, por u vonua në shtyp për arsye se botimi i saj kërkonte cilësi të lartë tipografike dhe kjo u përballua me ndihmën bujare të Universitetit Oriental të Napolit e sidomos falë kujdesit të prof. Italo Costante Fortino.
 
Atlasi perfshin 175 vendbanime 85 në Republikën e Shqipërisë 66 në në Kosovë, në Mal të Zi, në Maqedoni, në anët e Peshterit, të Jabllanicës dhe të Preshevës e Bujanovcit 5 pika në Çamëri (Greqi) 19 pika në diasporën arbëreshe të Italisë Greqisë dhe të Zarës (Dalmaci).
 
Gazeta Milosao

Titulli: "Urdhri"
Autor: Lenna Lander
Botoi: "Dituria"
Çmimi: 800 lekë
 
Cili është krimi që ka bërë Miina Malin, çfarë ngjau mes saj dhe Aaro Harjulas, çfarë fshehin të gjithë, çfarë kërkon vërtet të mësojë gjykatësi Emil Halenberg? Një grua revolucionare e burgosur, e akuzuar për një krim mizor, një ushtar që nuk i është bindur urdhrit për ta vrarë, një gjykatës-shkrimtar i ngarkuar me çështjen. I gjithë romani zhvillohet mes këtyre tre personazheve dhe mes tensionit të vazhdueshëm të raportit të paqartë që i lidh, mes armiqësisë dhe tërheqjes, urrejtjes dhe dashurisë, vullnetit për sundim dhe prirjes për ligështim dhe shlyerje fatale.
 
 
Titulli: "Mençuria popullore"
Autor: Jannis K. Smiriniotakis - Jannis Ios. Sifakis
Botoi: "Morava"
Çmimi: 1000 lekë
 
Çdo gjë e mençur dhe e bukur që populli grek ka thënë përgjatë viteve, është përmbledhur në këtë libër, në 10.000 proverba që ai përmban. Libri cilësohet si një thesar i vërtetë i urtësisë popullore, si një burim i freskët diturie, si esenca e mençurisë popullore e të gjithë shekujve ku fuqia dhe vlera e saj janë të përhershme dhe e vërteta e saj është e pranueshme nga të gjithë. Proverbat janë eksperienca të njerëzve të thjeshtë, por të ndritur, që në pak fjalë të thjeshta përmbledhin mësime të mençura për të gjitha veprimet e mendimet e njeriut.
 
 
Titulli: "Historia e teorive ekonomike"
Autor: Roger. Backhouse
Botoi: "Bota shqiptare"
Çmimi: 1200 lekë
 
Askush nuk mund ta injorojë ekonomiksin. Nuk janë kurrë të mjaftueshme burimet për t‘iu qasur atij, ngaqë shoqëria njerëzore gjithmonë është përballur me çështje të rëndësishme të parasë, tregjeve, shkëmbimeve, çmimeve dhe prodhimit. Këtë histori autoritative, Roger Backhouse e ofron nga grekët e lashtë deri në shekullin XXI. Me analizimin e figurave të mirënjohura, autori sjell disa ide mbi tema të rëndësishme të patrajtuara më parë. "Historia e teorive ekonomike" ofron një panoramë përmbyllëse të këtij subjekti të rëndësishëm.
 
 
Titulli: "Bolero në vilën e pleqve"
Autor: Fatos Kongoli
Botoi: "Toena"
Çmimi: 600 lekë
 
Dy pleq, në një vilë, dhe një infermiere që kujdeset për ta. Në aktin e fundit të jetës, pleqtë i shkruajnë letra njëri-tjetrit, të cilat i zhdukin pa lënë gjurmë, ndërsa infermierja përpiqet më kot t‘i shtjerë në dorë. Duke sjellë me këtë libër prozën e tij më të përkryer, Kongoli, përmes rrëfimit të infermieres, zbulon misteret e saj, dramat e personazheve me ndërlikimet, dëshirat e fshehura, në një mjedis shpesh të egër, ku femra është më e pambrojtura. Një qasje ndaj ekzistencës njerëzore që nuk e kemi hasur më parë në letrat shqipe.
 
Gazeta Shqip

Shtëpia e fluturave të zeza
Autore: Leena Lander
Përktheu: Ilira Shurbani
Shtëpia botuese: DITURIA
Faqe: 234
Çmimi: 700 lekë
 
Romani i shkrimtares finlandeze, Leena Lander, “Shtëpia e fluturave të zeza”, fillon me një vrasje. Por nuk është një libër i verdhë, dhe në fakt nuk është e nevojshme të kryhen hetime dinake nga ndonjë agjent për t’i dalë në krye kësaj çështjeje që shfaq aq haptazi brutalitetin sa arrin të zbulohet vetvetiu. Në këtë krim që kryhet në klimën e zymtë të një instituti riedukimi të izoluar në një ishull të vogël, të humbur në det ka tmerr, por jo mister.  Viktima dhe vrasësi janë të lidhur me faktin që i përkasin, të dy, të njëjtit realitet të fëlliqur: ajo është “lopçarja” e institutit, ai, një nga “të riedukuarit”. Ngjarja nuk e trondit pothuajse fare jetën e të burgosurve të tjerë të rinj, pasi sakaq dhuna iu është bërë e zakonshme.  Juhani, protagonisti i romanit, është një prej tyre. Është një “çunak” i hollë sa një gozhdë, i zgjuar dhe i guximshëm, por edhe i mbyllur dhe i acaruar nga frikëra të paarsyeshme, gati fëminore.  Rreth tij mbizotëron një atmosferë e vazhdueshme kërcënimi; duket sikur ishulli, institute dhe hijet e animuara përbëjnë “një bishë të vetme, të madhe dhe të egër” nga e cila nuk mund të shpëtosh, por maksimumi që mund të bësh është të përpiqesh të mbrosh veten. Sipas së vetës është edhe bujar, aq shumë sa një ditë vë në rrezik veten duke u zhytur në akull dhe dëborë për të shkëputur nga kthetrat e vdekjes një nga djemtë e institutit, më i madh se ai në moshë, një “trashaluq” që shpesh e ka bërë të vuajë për t’i imponuar epërsinë e vet. Juhani mbërriti në ishullin e mallkuar pas një fëmijërie të vështirë, që i kishte lënë pas më shumë fantazma se sa kujtime pas të cilave të kapej. Prindërit e tij të pasur deheshin deri në atë pikë sa kryenin veprime që vinin në rrezik sigurinë e tij dhe të vëllait të tij të vogël. Kur i shihte të binin pre e alkoolit, tmerrohej dhe njëherazi bëhej vigjilent, sikur mbi të të binte përgjegjësia që të shmangte katastrofën e mundshme. I ndiqte pa pushim, i vëzhgonte dhe një natë arriti të vidhej jashtë dritares për të shmangur nënën e tij, e cila e kishte humbur nga të pirët dhe dalldisej në kopsht duke shtrënguar në krahë vëllain e vogël që qante. Ai u fsheh pas gardhit, tamam në kohën kur nëna e tij gati po e mbyste vogëlushin në ujërat e akullta të lumit.
 
Juhanin e shkëpusin nga prindërit dhe për të fillon një kalvar përpjekjesh të pasuksesshme, për ta lënë në kujdestarinë e ndonjë familjeje, që arrin kulmin kur punonjësit socialë heqin dorë dhe vendosin të rekomandojnë dërgimin e tij në një institut riedukimi. Dhe kështu djaloshi mbërriti në këtë ishull-burg, ku u prit me një murmurimë mirëseardhjeje, një oshtimë të të një maniake e rregullit dhe e higjienës; çdo ditë lahet aq fort sa rrjep lëkurën duke u përpjekur më kot që të heqë qafe atë erë plehu kafshësh që e përndjek. Nuk është vullneti i vet që e ka shtyrë për të shkuar në këtë ishull-burg, por dëshira për të mbytur një jetë vetmitare dhe të mundimshme që e ka çuar deri në çmendinë. Mes atyre djemve të vështirë, por që kanë më tepër nevojë për dashuri se sa për qortime, shpresonte t’ia dilte mbanë që më në fund t’i jepte kuptim jetës së saj, duke përfituar prej instinktit të nënës. Por ata djem janë shumë, tepër të vështirë.  Kurse ajo është tepër e vetmuar, e ka braktisur krejt veten ndaj s‘është e aftë të përfaqësojë një pikë referimi për ta. Në të vërtetë, më të mëdhenjtë vazhdojnë të mundojnë të vegjlit, duke zhytur me sadizëm të egër kokat e tyre në ujin e lopëve, kurse të vegjlit përpiqen me se të munden, për shembull duke hedhur minj të gjallë në bidonët e saj të qumështit.
E keqkuptuar po aq sa e nëpërkëmbur, dashuria e paqartë që Tyyne ndjente në fillim për ta, me kalimin e muajve dhe viteve, shndërrohet në neveri të thellë: po, prej atyre djemve nuk mund të presësh asgjë të hajrit. Janë të pandreqshëm, të humbur. Si ajo, më keq se ajo, ngulmon të mendojë “Zoti Perëndi i Universit”, drejtori, krejt i zënë me rolin e tij si ndreqës kurrizesh i patëmetë sa lë plotësisht pas dore gruan e tij, Irenën, dhe pesë vajzat e tyre. Ah po, sepse në ishullin e mallkuar jetojnë edhe ato, të burgosura në një dimension shtëpiak, të helmuara nga mërzia dhe vetmia. Vajzat duke u rritur, mësojnë të mbështeten te njëra-tjetra, dhe në se nga një anë kjo i ndihmon për të gjetur ekuilibrin, nga ana tjetër i largon nga e ëma, gjithnjë e më e vetmuar dhe gjithnjë e më shumë e hidhëruar nga perspektiva e plakjes dhe e vdekjes në atë vend të braktisur nga Zoti dhe në krah të një burri të verbuar nga monomania e tij prej “zoti” të atij “universi” të vogël.
Nisma e fundit, në të cilën drejtori hidhet me gjithë vendosmërinë e tij kërcënuese, është
rritja e krimbave të mëndafshit në ishull. Beson se është një ide gjeniale dhe është kaq bindës me eprorët e tij sa arrin të sigurojë financimet për një projekt të paracaktuar për t’u shndërruar në një makth të ri: në vend që të sjellin dobi, larvat e krimbit të mëndafshit do prodhojnë një re gjigante fluturash të zeza që do e nxirosin ishullin, duke e bërë edhe më të skëterrshëm
Një roman i gatuar me realizëm të pastër dhe bindës, “Shtëpia e fluturave të zeza” i Leena Lander-it përshkruan shumë mirë atmosferën e mjerimit dhe të dhunës që mbizotëron në këto lloj burgjesh për të mitur. Atmosferë, nga e cila nuk janë viktima vetëm djemtë e burgosur, por edhe vetë gardianët e tyre; nga e cila mund të të shpëtojë fati, dhuntitë vetjake, por kurresesi riedukimi efikas i institutit. Në fakt, shpëtimi i djaloshit protagonist të librit, Juhani (i cili në fund do t’ia dalë mbanë për të fituar një jetë normale si njeri i lirë) është një fitore individuale, aspak rezultat i “terapisë rehabilituese”, së cilës i ishte nënshtruar në emër dhe për llogari të shoqërisë së “respektuar”.
 
 
Faqe të panjohura
Artikuj dhe shënime publicistike, 1915-1919
Autori: Fan S. Noli
Përmblodhi dhe pajisi me shënime: Prof. Koço Bihiku
Shtëpia botuese: Albin
Faqe: 329
 
Gjendja në Shqipëri, sidomos në qerthullin e Luftës së Parë Botërore, përpjekjet për të mbajtur në këmbë shtetin e porsaformuar shqiptar, politika e fqinjëve shovinistë për copëzimin e ndarjen mes tyre të Shqipërisë, roli dhe politika e fuqive të mëdha të Evropës dhe SHBA-së ndaj çështjes shqiptare e asaj ballkanike, fati dhe veprimtaria e figurave dhe personaliteteve të ndryshme shqiptare e të huaja në vitet e mbrapshta 1914-1919, princ Vidi, përpjekjet e të huajve për të gjetur një mbret të përshtatshëm për Shqipërinë, ushtritë e huaja në Shqipëri, Konferencat Ndërkombëtare e forume të tjera të kohës, kur diskutohej, bëhej pazar e shpesh vendosej për fatet e Shqipërisë, etj, etj… - të gjitha kur ligjëronte e shkruante Noli i ri - ky është në vija të përgjithshme vëllimi me
“Faqe të Panjohura” nga Fan Noli.
 
 
Ndjesi të yshtura
Autor: Alberto Bevilacqua
Përktheu: Diana Çuli
Lloji: Roman
Shtëpia Botuese: Toena
Faqe: 288
Çmimi: 700 lekë
 
Romani “Ndjesi të yshtura” është një udhëtim. Por ndryshe nga shembujt që përmenda më sipër, ky është udhëtim drejt thelbit të psikikës sonë, drejt mistereve që përfshihen në sjelljen, në dukjen, në formën se si veprojnë receptorët që dalin dhe ata që hyjnë në vëmendjen njerëzore. Është udhëtim në pushtetin e ndjenjës, të dashurisë, të urrejtjes, të mëshirës, të vullnetit dhe të frikës. Eksplorimi që autori fillon të bëjë ka një përvetësim magjik të kohës, të personazheve, të shoqërisë e botëkuptimit rreth mistikës në sfondin e një realizmi të kthjellët. Roman anormal, është pak të thuash. Po ta shikojmë këtë vepër në vijim të gjithë krijimtarisë, kuptojmë kulmin e udhëtimit, thelbin e magjepsjes letrare e filozofike, dallojmë konturet paranormale të botës, të padukshme për syrin e zakonshëm.
 
 
Për hir të emrit
Autori: Jhumpa Lahiri
Përktheu: Ledia Agolli
Gjinia: Roman
Shtëpia Botuese: OMSCA-1
Faqe: 308
Çmimi: 800 lekë
 
Te Namesake” (në shqip “Për hir të emrit”) i shkrimtares Jhumpa Lahiri fituese e çmimit Pulitzer për fikshën në vitin 2000, është një prej librave më të shitur në shkallë ndërkombëtare, por edhe i vlerësuar lart nga kritika për “elegancën, mprehtësinë dh mëshirën mbi jetët e detajuara që ‘transportohen’ nga India në Amerikë”. Është një histori shumëkulturore dhe shumëbrezëshe e udhëtimit të familjes Hindu Bengali në Boston. Jhumpa eksploron në mënyrë mjeshtërore kompleksitetin e temave të eksperiencave të emigrantëve dhe të huajve, përplasjen e mënyrave të
jetesës, dizorientimin kulturor, konfliktet e asimilimit, lëmshin që krijohet mes brezave... dhe pikturon portretin e një familjeje indiane të çarë mes tërheqjes për të respektuar traditat e saj dhe mënyrës amerikane të jetesës.
Është viti 1967. Pas dasmës së tyre të ujdisur, Ashoke dhe Ashima Ganguli vendosen së bashku në Kambrixh, Masaçusets. Si inxhinier, Ashoke përshtatet në mënyrë më të kujdesshme se e shoqja, e cila i reziston çdo gjëje amerikane dhe e merr malli shumë për familjen e saj. Kur lind djali i tyre, detyra për t’i vënë atij një emër tradhton rezultatet e trazuara për të sjellë diçka të vjetër në një botë të re.  Me emrin e një shkrimtari rus që ia kishin vënë prindërit e tij indianë për të kujtuar katastrofën e disa viteve më parë, Gogol Ganguli di vetëm që ai vuan nga barrën e trashëgimisë së tij ashtu si edhe për emrin e tij të çuditshëm dhe antik. Jhumpa sjell ndjeshmërinë e madhe të Gogolit, ndërsa ai ngec në itinerarin e brezit të parë, të shtruar me konflikte besnikërie, mënyra të tërthorta komike dhe ndrydhje nga temat e çështjet e dashurisë. Duke penetruar brenda, ajo demaskon jo vetëm pushtetin dhe fuqinë përcaktuese të emrave dhe të asaj çka prindërit na dhurojnë e presin nga ne, por edhe kuptimet të cilat ngadalë, e ndonjëherë në mënyrë të dhimbshme arrijnë të na përcaktojnë ne dhe veten tonë në këtë roman të identitetit. Është një tregim dashurie, trazire vetmie dhe emocionale që shihet më një sy mahnitës për sa i përket vëzhgimit ironik dhe të detajuar.
Jhumpa Lahiri ka lindur më 1967 në Londër, Angli. Ajo është diplomuar në Kolegjin Barnard për letërsinë angleze, si dhe në Universitetin e Bostonit për krijimtarinë letrare, për studimet krahasuese në letërsi dhe studimet për Rilindjen. Jhumpa Lahiri ka dhënë leksione për krijimtarinë letrare në Universitetin e Bostonit. Libri i saj i parë me tregime “Interpreter of Maladies” ka fituar çmimin prestigjioz “Pulitzer” në vitin 2000. Ka marrë edhe shumë çmime të rëndësishme ndërkombëtare.  
 
 
Gazeta Milosao

Urdhri
Autore: Leena Lander
Përktheu: Venera Domi
Botues: DITURIA
Faqe: 263
Çmimi: 800 lekë
 
Maner ishte bërë shumë merak për zhdukjen tuaj.- Pësuam një aksident të mjerueshëm. Varka u përmbys dhe u detyruam të qëndronin disa ditë në një ishull ku...Emili fërkon fytyrën me peshqir.- Tetë ditë! është mrekulli që ia dolët mbanë. Si është e burgosura?- Jo dhe aq mirë, zoti gjykatës.- Dreq o punë. Si quhet?-Nuk e di, zoti gjykatës.Emili mbledh vetullat duke i hedhur një vështrim gruas.- Si nuk e di? Si quhesh çupkë?E burgosura nuk përgjigjet.  Sheh drejt përpara saj me një vështrim të zbrazët, si një somnambul.-Ishte një udhëtim i vështirë,- thotë jageri.- Kam frikë se ka temperaturë.Harjula vesh pallton që po mbante ende në dorë kur mbë-rriti te porta, dhe që sigurisht ia kishte hedhur në krahë gruas, gjatë rrugës, për të mbuluar fustanin e grisur në disa vende.Emili merr këmishën e pastër që ishte tharë nga era pranverore mbi pus.Diçka ka ngjarë në atë ishull.- Ka shumë të ngjarë! Nuk është stina ideale për t’u larë në det. Për sot po e lemë me kaq: nuk ia vlen të shtojmë edhe mundime të tjera. Do të kemi kohë të flasim me qetësi. Paasonen, shoqëroje zonjushën në ndonjë dhomë ku mund t’i gjesh ndonjë krevat, diku në pjesën kryesore.Emili vëzhgon jagerin që po i qëndron përpara. Kush e di, ndoshta nën atë kutërbim dhe lodhje fshihet një bashkë-bisedues jo i keq, me të cilin mund të kalojë mbrëmje të këndshme plot biseda.-Mendoj se dëshironi të laheni para darkës. Do t’u them t’ju bien rroba të pastra dhe gjithçka që ju nevojitet. Jeni gati-gati një hero.-Jo, dështova në misionin tim. Varka u përmbys, nuk arrita ta mbaj situatën nën kontroll.Gjykatësi buzëqesh me pamjen e një babai të dhimbsur ndaj një fëmije arrakat, por sinqerisht të penduar; lidh kravatën.-Përkundrazi. Meqë tani jeni këtu, gjithçka është në rregull. Do të hamë darkë bashkë dhe do të më tregoni aventurën tuaj. Me të gjitha hollësitë.Çfarë fati, mendon Emili teksa drejtohet për te veranda e zhytur në dritën e muzgut, që dimri, dimri i ashpër, mori fund. Fat që, në këtë gadishull magjepsës, që deri pak kohë më parë ulërinte prej shkretimit, erdhi pranvera.Dy bashkësitë, ushtarët dhe të burgosurit, janë sistemuar me rregull, si dy fshatra të vegjël kufitarë. Secili ka vendin e vet dhe rolin e vet.  Askush nuk humbet.Jo më.
 
 
Plumba politikës
Autor: Kastriot Dervishi
Lloji: Historik
Botues: Shtepia Botuese 55
 
Një libër studimor historik për përgjakjen e poli tikës shqiptare. Tani kur shteti shqiptar po i afrohet 100-vjetorit të krijimit të tij, është normale të bëhet një bilanc i përgjithshëm se ç’kanë sjellë këto për kombin dhe shtetin shqiptar. Pikërisht një nga bilancet e radhës është edhe ky i përfshirë në këtë libër me titullin “Plumba politikës”. Studimi i bazuar në arkivat më të njohura të vendit, ka në qendër të gjithë njerëzit e rëndësishëm të politikës në rangun e prefektit, deputetit, ministrit, kryetarit të shtetit, në detyrë ose jo, të cilët gjatë jetës së tyre u përballën me atentate apo sulme për t’i eliminuar ato fizikisht nga skena politike. Çështjet e trajtuara nuk janë ndarë në mënyrë të barabartë midis tyre, por sipas peshës që kanë pasur në kohë dhe sipas afërsisë me vitin kur janë shkruar.
Ky libër merr përsipër të bëjë një rrëfim nga njëra anë dhe një analizë nga ana tjetër mbi ato që janë cilësuar “vrasje të mëdha”. Si u vra Esat Toptani, Nexhati Libohova, Preng Bibë Doda, Abdyl Ypi, Avni Rustemi, Luigj Gurakuqi, Bajram Curri, Zija Dibra, Isuf Dibra, Ceno Kryeziu, Mark Kapidani, Hasan Prishtina, Qazim Koculi, Idhomeno Kosturi, Lefter Kosova, Nako Spiru, Mustafa Xhani, Fejzo Dervishi, Alush Lleshanaku, Omer Nishani, Sali Ormëni, Haxhi Hajdari, Azem Hajdari, etj. dhe të tjera ngjarje që kanë përbërë shpesh herë “argumente” konsumi për politikën dhe që janë harruar më pas, për të kaluar në mënyrën më të lartë të harresës apo keqinterpretimit të tyre. Që nga krijimi i shtetit shqiptar e deri sot, historia e vrasjeve politike përbën një anë të njohur, të panjohur e herë të manipuluar sipas kohëve kur kanë ndodhur apo lëvizjeve politike. Në vetvete, përveçse një krim i zakonshëm që merrte jetën e tjetrit, ngarkesa e vrasjes politike ishte e atillë, që merrte përmasa të mëdha. Viktima ishte njeri me lidhje politike, që mund të përbënte ngarkesë jo të vogël në popull apo në ngjarjet e kohës. Por në kuptimin e plotë të fjalës, atentatorët, porositësit e vrasësve, çmimet e vrasësve shkaktuan pasoja fatale mbi zhvillimet shoqërore, ndërsa nga ana tjetër, i dhanë historisë një rrugë që mbase nuk do ta përshkonte në kushte të tjera. Historia e politikës shqiptare, që në krijimin e shtetit shqiptar e deri sot, padyshim është ndër më interesantet në historinë e Shqipërisë. Ndonëse nuk është shkruar kurrë e plotë, pasi protagonistët e saj nuk kanë dashur ta prezantojnë plotësisht veten e tyre, kjo histori përbën një pjesë misterioze si pjesë përbërëse të asaj që ka ndodhur, nga viti 1912 e deri më sot. Përveç statistikave të tjera, ajo e vrasjeve politike është një pjesë që tregon edhe rezultatin tragjik të kësaj politike. Politikanë të ndryshëm, deputetë, ministra, kryeministra, regjentë, etj, janë në listat e të ekzekutuarve, qofshin këta në detyrë ose jo. Ky studim përqendrohet më së shumti në vrasjet që kanë ndodhur në kushtet e atentatit dhe jo ato që kanë ardhur pas përfundimit të proceseve gjyqësore
 
 
Letër Zotit
Autori: Agim Vinca
Botues: Toena
Faqe: 296
Çmimi: 600 lekë
 
Letër Zotit është një sintezë poetike e ndarë sipas kriterit tematik në nëntë njësi ciklike, të prira nga poezia programatike Të jesh poet, në të cilën poeti Agim Vinca shpreh bindjen e tij për funksionin e poetit. Cikli i parë titullohet Biografia e rrënjës dhe përbëhet nga 25 poezi me të cilat autori tregon biografinë e atdheut të tij; cikli i dytë quhet Gjendje e jashtëzakonshme dhe përfshin 14 poezi, të cilat përbëjnë një prelud në një akt të ri tragjik; cikli i tretë, Sytë e Homerit, që ka 19 poezi, tregon gjenocidin që bën pushtuesi serb në Kosovë; cikli i katërt, E shiu lag fushat e xhamat, ka 12 poezi dhe një intracikël (Vargje nga qelia) me 11 poezi të krijuara gjatë kohës kur autori ishte në burg; cikli i pestë, i përbërë nga 17 poezi, mban titullin Ka diçka dhe ka për temë etikën (ose mungesën e saj); cikli i gjashtë, që ka 15 poezi, vjen me një shprehje veleshtarçe Tunaqeta!  (Tungjatjeta!) dhe lidhet me vendlindjen dhe familjen e poetit; cikli i shtatë, Era e jugut, në 14 poezitë e tij trajton temën e mërgimit; cikli i tetë, Kur jam me ty, ka vetëm tetë poezi me temë dashurie; cikli i nëntë, Ujk i vetmuar, është cikli i fundit dhe përbëhet nga 19 poezi në të cilat trajtohet tema e vetmisë në të gjitha trajtat e saj. Ndërsa poezia Pa lamtumirë shënjon epilogun e librit me referencë në epilogun e jetës së poetit.
Siç u pa, libri Letër Zotit përbëhet nga nëntë cikle (lat.: ciclus rreth) që flasin për nëntë rrathët e jetës së poetit. Si rrjedhojë e kësaj, mund të konkludohet se Agim Vinca është poet që i ka përjetuar edhe ato që s’i ka jetuar. Përndryshe nuk do të mund ta shshkruante biografinë e rrënjës, as psalmet për të.
 
 
Dashuria zgjat tre vjet
Autori: Frederik Beigbeder
Botoi: Onufri
Lloji: Roman
Faqe: 168
 
Në një vit, jeta s’qenka gjë tjetër veçse një vazhdë mëngjesesh me diell dhe pasditesh me dëborë. Ju martoheni, sa më shpejt që të jetë e mundur. Përse njeriu bie në mendime kur qenka i lumtur? Vitin e dytë, gjërat nisin e ndryshojnë..
 
 
Dhimbje gurësh
Autori: Milena Agus
Përktheu nga origjinali: Ilirjana Stringa
Botues: Ideart
Lloji: Roman
Faqe: 112
 
Mal di pietre” është historia e nje gruaje sardenjase me një trill të pazakontë e të papranueshëm për Italinë që posa dilte nga Lufta e dytë botërore: të shkruarën. Historia e
dashurisë me Veteranin në një Stacion Termal, kurorëzon brenda saj aktin e krijimit, që është njëherësh dëshira e natyrshme e gruas që dëshiron të bëhet nënë dhe ajo e mbinatyrshme e krijimit të një realiteti të ndërmjetësuar nga letërsia.
 
 
Dashuri e vonë
Autor: Isaac Bashevis Singer
Përktheu: Elena Kadare
Botues: Onufri
Lloji: Tregime
Faqe: 256
 
Letërsia është një histori dashurie dhe fati përzier bashkë, një përshkrim i uraganit të çmendur të pasioneve të njeriut dhe i luftës që ai bën me to. Kam vënë re dhe jam i kënaqur që novela mbahet prapë e gjallë sot.
 
 
Gazeta Milosao

Përtej qytetit
Autor: Erlend Loe
Përktheu: Erisa Perleka
Botues: Dituria
Lloji: Roman
Faqe: 120
Çmimi: 500 lekë
 
TEREZA BABASULI
Cilido qoftë këndvështri mi, të udhëtosh do të thotë të ushqesh kënaqësinë e zbulimit për vende, njerëz, kafshë, bimë, madje edhe për minerale (në këtë mënyrë i kemi shterur të gjitha burimet e Nënës Natyrë). Zakonisht, njeriu udhëton për një qëllim të caktuar. Por, nëse pas një udhëtimi arrin një rezultat të cilin jo vetëm nuk e ke kërkuar, por madje i je shmangur si të ishte murtajë: a duhet të mbetesh i kënaqur? Pavarësisht nga gjithçka, po, përgjigjet norvegjezi Erlend Loe që në krye të romanit të tij të mprehtë dhe të thellë “Përtej qytetit”, i sjellë në shqip nga DITURIA, me përkthim të Erisa Perlekës. Andrea Doppler kishte qenë gjithnjë i zoti. Madje më shumë se ç’mund të mendohet. I zoti në shkollë, në familje, në punë. Ai ishte profesionist i talentuar dhe i
mirëpaguar, kishte një grua të këndshme dhe inteligjente, një vajzë adoleshente dhe një djalë trevjeçar. Përdorte biçikletën, merrte herë makinën herë tramvajin dhe kërcente lart e poshtë nëpër trotuare.  Të dielën i shtynte dy rrotat e tij drejt pyllit. Kështu një ditë të bukur ngec mes dy gurëve, fluturon mbi timonin e biçikletës, përplaset me ije te një fund peme dhe një pjesë e biçikletës e godet ballit.  Përfundon nokaut dhe qëndron i shtrirë për disa orë në bar, në gjendje plogështie dhe mpirjeje të plotë, i pushtuar nga qetësia absolute:
“Thjesht qëndrova i lëshuar dhe i heshtur teksa shikoja degët të lëviznin në erën e dobët. Për të parën herë prej shumë vitesh ishte kaq qetë. Kur krizat e forta pushuan, përjetova një qetësi të bekuar. Kishte vetëm pyll. Përzierja e zakonshme e ndjesive të ndërlikuara të të gjitha llojeve, të mendimeve, detyrave dhe planeve ishte zhdukur. Papritmas gjithçka ishte kthyer në pyll...” Kur kjo gjendje bashkohet me ndjenjën e pafuqisë dhe të zbrazëtisë që i ka shkaktuar së fundmi vdekja e të atit, atij i shkreptin në kokë zgjidhja: mjaft me vet. Pak sepse nuk ia del dot mbanë, pak sepse arrin të zbulojë humanizmin e tyre. Humanizmin e një hajduti në krizë ekzistenciale që hyn në shtëpinë e tij, humanizmin e gjermanit që përfaqëson betejën në të cilën iu vra i ati, humanizmin e “njeriut të djathtë” që thuajse kalon majtas, humanizmin e djaloshit që shkon të jetojë me të dhe e ndihmon... Pra, miku ynë që e filloi ikjen nga bota në shoqërinë e një këlyshi dreri, të cilit i vrau të ëmën për të siguruar mishin, bën një xhiro të gjatë në pyllin pranë shtëpisë, që e sjell në pikën e nisjes për të gjetur atë që nuk e kishte kërkuar. Tamam siç ndodh në udhëtimet më të bukura!
I ndërtuar me një ironi të lehtë, që e ndihmon të thotë të vërteta shqetësuese mbi njerëzimin - “Të gjithëve na ndodh që teksa shikojmë gjërat përreth, kujtohemi se jeta është e mbushur me një gjë apo tjetër, që ne vetë nuk e duam dhe që të tjerët mund të kenë gjëra që ne nuk i kemi, por do të donim t’i kishim si p.sh ritëm, muzikë, thellësi, fëmijë ose diçka tjetër që në përgjithësi përjetohet si e mirë dhe e rëndësishme.” – me buzëqeshje të natyrshme dhe pa e humbur sensin e masës “Përtej qytetit” është romani i parë i përkthyer në Shqipëri i autorit dyzetvjeçar Erlend Loe, që sot është një nga shkrimtarët më popullorë në vendin e tij.
 
 
Lutje dimri
Autor: Flutura Açka
Botoi: Toena
Lloji: Poezi
Faqe : 180
Çmimi : 600 lekë
 
Flutura Açka (1966) është poete dhe prozatore e periudhës postkomuniste, autore e tre romaneve dhe gjashtë vëllimeve poetike. Gjithashtu ka përpiluar një antologji (“Stinë e ullinjve të thinjur”), ndërsa për të janë përpiluar dy antologji (“Kënga e Aretuzës” dhe “Lutje dimri”).  Është pikërisht antologjia “Lutje dimri” ajo që na e risjellë subtilitetin dhe bukurinë e poezisë specifike dhe novatore të kësaj autoreje, që njëherësh është njëra ndër shkrimtaret e rralla shqiptare që kanë arritur ta sfidojnë “diskursin fallocentrik”(J. Derrida) të letërsisë shqipe. Gjinokritika do ta përcaktonte këtë autore si female, por kurrësesi feministe, pasiqë vepra e saj, po t’i referohemi studiueses Patricia Beer, nuk është një përmbledhje traktesh. Poezia e saj nuk është feministe, sepse ajo, në fakt, është thellësisht humaniste. Edhe pse subjekt lirik i kësaj poezie është femra, objekt dhe destinacion është njeriu. Pra, poezia e Flutura Açkës është poezi femërore për specien njerëzore.Për më shumë: lirika e Flutura Açkës është një libido e letërsisë shqipe. Ajo duhet vlerësuar veçmas për lirinë që ia sjellë lirikës në temë, formë dhe stil.
 
 
Erosi dhe qytetërimi
Autor: Herbert Marcuse
Përktheu: Albana Nexhipi
Botoi: Uegen
Gjinia: Sociologji, filozofi
Faqe: 256
Çmimi: 800 lekë
 
“Erosi dhe Qytetërimi”, është një prej librave më të shquar të Marcus-it, ku jetësohet ideja e filozofisë sociale të Frojdit, sipas të cilit qytetërimi dhe lumturia janë të paplotësuar dhe gjithnjë nën dhunën e instinkteve, që do të thotë se jetohet duke shkelur mbi lumturinë, e cila nënkuptimin erosin. Nisur nga ky postulat frojdian dhe duke u mbajtur fort në përvojën e ashtuquajtur marksiste, Marcus-i kërkon që të mundësojë dhe të krijojë një shoqëri jo të dhunshme, tek e cila mirëqenia dhe konsumi sjellin zhvillimin e erosit të lakmuar. Ky botim paraprihet nga një “parathënie politike” e autorit. “Erosi dhe Qytetërimi” është përkthyer në të gjitha gjuhët e botës. Ky libër ka ngjallur interesimin jo vetëm të sociologëve dhe filozofëve, por edhe të psikologëve, studentëve të këtyre fushave, njohësve të histories si dhe lexuesve të thjeshtë...
 
 
Drithërimë
Autor: Jackie Collins
Përktheu: Fatmir Hoxha
Gjinia: Roman
Faqe: 450
Çmimi: 1000 lekë
 
Jackie Collins sjell të gjallë në këtë libër botën e egër dhe seksi të të qenit yll kinematografie. Romanet e saj, tejet fenomenalë në suksesin e tyre, e kanë bërë atë po aq të famshme sa edhe ata që tundin e shkundin botën mbarë, pushtetmbajtësit dhe superyjet, për të cilët ajo shkruan si njohëse e brendshme. Me më shumë se 200 milionë kopje të librave të shitur në më shumë se 40 vende, Jackie Collins është një nga shkrimtarët në majat e lavdisë për libra të shitur. Në një seri librash bestseller sensacionalë, ajo ka shpërthyer tej kapakun e jetës dhe dashuriçkave në Hollivud. Gjithçka është e vërtetë, thotë ajo. Unë shkruaj për njerëzit e vërtetë të maskuar. Nëse ka ndonjë gjë tjetër për të shtuar, është vetëm fakti se po të zbresin personazhet e mi nga piedestali, ajo çka do të shihni do të jetë mjaft më e çuditshme.
 
 
 
Gazeta Milosao

Emil Cioran
“Për Francën”
Përktheu: Balil Gjini
Botoi: “Zenit Editions”
Çmimi: 500 lekë  
 
Është luftë. Ciorani është në Paris. Me shkronja të mëdha dore shkruan 1941, njëlloj siç dhe do të shkruante “Fund” mbi dorëshkrim, këtë tekst që e ka titulluar “Për Francën”, duke menduar moralistët e shekullit XVIII dhe, duke e parandier, ndoshta, se ajo me të cilën do të bashkohet me ta një ditë nuk do të jetë veçse stili, stili që në çdo rrethanë është përmbajtje. “Për Francën”, tekst kyç i shkruar gjatë vitit 1941, është një botë në vetvete, një libër i veçantë në veprën e Cioranit, i cili sapo i kishte mbushur të tridhjetë vitet. Është një libër himn kushtuar Francës dhe një paralajmërim për vdekjen e qytetërimit perëndimor.
 
 
Agustin Gjinaj  
“Dilema e votës”
Botoi: “Botart”
Çmimi: 700 lekë  
 
Vetë titulli, i pasuar edhe nga nëntitulli: Pse kemi politikanë të pasur dhe qytetarë të varfër? - paralajmërojnë shtjellimin që vjen në faqet e këtij libri. Autori Agustin Gjinaj, gazetar e publicist në të përditshmet shqiptare, rreket të arsyetojë, përmes një stili të thjeshtë, që nuk e përjashton artistiken mbi aktualitetin politik shqiptar. Zgjedhjet e 2008-s dhe zhvillimet që e pasuan janë një material i bollshëm, të cilin autori, i vendosur në pozitat e një qytetari e jo të një krahu politik, përpiqet ta argumentojë duke i vënë përballë ato që ndodhin tej së dukshmes. “Atyre, që nuk deshën apo nuk mundën të votojnë! Atyre që mendojnë se rruga e tranzicionit në Shqipëri ka qenë shumë më e gjatë se ç’duhet. Emigrantëve, që mbajnë familjet dhe buxhetin e Shqipërisë me dërgesat e tyre, por që asnjë qeveri nuk ka bërë përpjekje t’u mundësojë votimin për zhvillimet politike në vendin e tyre”. Ky është dedikimi i autorit për lexuesit e tij.
 
 
Sigrid Unset  
“Zonja Marta Ouli”
Përktheu: Myrteza Shini
Botoi: “Skanderbeg Books”
Çmimi: 500 lekë  
 
“Unë nuk i kam qëndruar besnike burrit tim”, thotë Marta e Unsetit. Personazhi i këtij romani është një Marta si e Biblës, një grua që përkujdeset, por ajo është edhe një Martë e zakonshme, e cila diskuton në publik, që feston deri vonë dhe është e pavarur ekonomikisht. Marta është një grua që qëndron e pavarur ndaj të dyja botëve, asaj të burrit dhe të dashurit, por që në fund i braktis të dyja. Pas vdekjes së të shoqit, ajo nuk martohet me të dashurin. Në këtë paradoks qëndron pjesërisht identiteti modern i personazhit kryesor të Unsetit.
 
 
Anna Politkovskaia  
“Çeçenia, turpi i Rusisë”
Përktheu: Elda Buda
Botoi: “Besa”
Çmimi: 500 lekë  
 
Anna Politkovskaia, e lindur më 1958-n, dhe e vrarë në Moskë më 7 tetor 2006, është një ndër gazetaret e rralla që ka informuar publikun në mënyrë të pavarur për krimet që ka bërë ushtria ruse gjatë luftës në Çeçeni. Gazetare e “Gazeta e Re” ajo është arrestuar e kërcënuar se do ta dënonin me vdekje, për qëndrimin e saj opozitar ndaj makinës represive shtetërore, pasi ka denoncuar shkeljen e të drejtave të njeriut në Çeçeni.

“Përrenj bjeshkësh”
Autori: Arjana Dashi
Botoi: “M&B”
Çmimi: 500 lekë
 
Libri me poezi i Arjana Dashit, sjell vargje për dashurinë, mënyrën se si është ndier autorja gjatë rritjes me të, herë e druajtur, herë e pacipë, herë naive, herë e djallëzuar, herë skllave e herë pushtuese. Por gjen në vargjet e saj edhe dhimbje të cilës shpesh i bën sfidë. Vargje të tëra i janë kushtuar edhe qytetit të saj të lindjes, thjeshtësisë së tij, lumit që e përshkon atë, Shkumbinit që i jep jetë krijimtarisë së saj.
 
 
“Poetika shqipe”
Autori:Sabri Hamiti
Botoi: “55”
Çmimi: 2700 leke
 
Akademiku Hamiti në këtë  vepër vijon studimin sistematik e sistemor të letërsisë shqipe, duke trajtuar tema e ide, e fenomene letrare të shtrira në kohë, me synimin që trajtimi teorik do të takojë edhe historinë për të kurorëzuar në fund një “Poetikë historike të shqipes”. Studimet e lidhura me këtë vepër janë parashtruar në katër kaptina, të cilat grupojnë tekste që lidhen më afër me një problematikë apo problematikave të ngjashme.
 
 
“Mbrëmjen e merr gjumi vonë”
Autori: Ylli Xhaferri
Botoi: “Vëllezërit Tafa”
Çmimi: 1000 lekë
 
Poezitë e përmbledhura në këtë libër i përkasin një kohe të gjatë, që përputhet me pjesën më të madhe të jetës së autorit dhe ajo që vërehet dhe vlerësohet tek ai është besnikëria në stil dhe qëndrueshmëria në profilin e vet poetik. Pra është e vështirë të dallosh një poezi të shkruar para ’90-s nga një tjetër e shkruar së fundmi. Ajo që të bën përshtypje, është misioni që Ylli Xhaferri i ka ngarkuar fjalës si përcjellëse të mendimit e të ndjenjës.
 
 
"Burri embleme, Selam Musa Salaria”
Autori:Novruz Shehu
Botoi: “Nacional”
Çmimi: 500 lekë
 
I rritur mes këngëve, përrallave, tregimeve e legjendave për heroin Selam Musa Salaria, autori ka sjellë një histori në vargje të tij. Sipas autorit, portreti i këtij heroi duhet të vendoset në kohën që ai jetoi, mes njerëzve që ndihmoi, u ruajti dinjitetin dhe u shpëtoi jetën.