46 vjet pa fitore me danezët
 
 
Shqipëria ka filluar përgatitjet në Kopenhagën për ndeshjen e së mërkurës me përfaqësuesen e Danimarkës. Skuadra e Ari Han do të luajë në “Parke Stadium”, e penalizuar nga historia në takimet direkte me skandinavët, por edhe e “kryqëzuar” nga kompanitë e basteve, të cilat e cilësojnë shumë të vështirë arritjen e një rezultati pozitiv.  
 
Marrja e 1 pike duket një objektiv shumë i vështirë për të besuarit e Ari Han, edhe sepse pas dëmtimit në shpatull të portierit Arjan Beqaj, kuqezinjtë nuk do të kenë as shërbimet e mesfushorit Lorik Cana, i pezulluar.
 
Përballjet
 
Ajo e datës 1 prill do të jetë ndeshja e parë ndërmjet Shqipërisë dhe Danimarkës në Grupin 1 eliminator të Botërorit 2010. Deri më tani, dy skuadrat kanë luajtur gjashtë herë në aktivitetet ndërkombëtare dhe bilanci i përgjithshëm është dukshëm në favor të nordikëve.  
 
Vetëm një fitore kundrejt pesë humbjeve dhe dy gola të shënuar e 14 të pësuar janë statistika që nuk krijojnë aspak komfort. Dueli i parë është regjistruar më 29 qershor të vitit 1963, për eliminatoret e Kampionatit Evropian: 90 minuta në të cilat Shqipëria humbi 4-0.  
 
Në ndeshjen e kthimit, të luajtur katër muaj më pas, më saktësisht më 30 tetor, përfaqësuesja jonë fitoi 1-0 me golin e legjendës Panajot Pano. Më pas kanë ardhur katër humbje. Dy në vitin 1993, në eliminatoret e Botërorit ‘94 (4-0 dhe 1-0) dhe dy të tjera në eliminatoret e Botërorit 2006: në tetor 2004, danezët fituan 2-0 në Tiranë, ndërsa në takimin e kthimit në Kopenhagën 3-1, me golin e Erjon Bogdanit.
 
Bastet
 
Danimarka ka konsoliduar pozitat e saj në krye të grupit pas barazimit ndërmjet Portugalisë dhe Suedisë e tashmë ka 10 pikë pas 4 ndeshjeve.  
 
Në sfidën kundër Shqipërisë, skuadra e Morten Olsen shihet si favorite absolute për fitore. “Bookmaker”-sat e kuotojnë fitoren e skandinavëve me koeficientin 1.2, ndërsa barazimi (5.5) dhe triumfi i kuqezinjve (12) shihen si rezultate pothuajse të pamundur për t’u realizuar. E përkthyer ndryshe, për marrjen e një pike kemi 17 për qind të shanseve, ndërsa për fitore vetëm 8 për qind.  
 
Kompania e specializuar në lëvizjen e koeficienteve të basteve, “Betexplorer”, e ka klasifikuar sfidën Danimarkë-Shqipëri mes ndeshjeve ku fitorja e vendasve shihet si rezultati më i sigurt. Rezultati më i mundshëm shihet fitorja e danezëve 2-0 (6.5). Barazimi pa gola jepet me koeficientin 17, ndërsa barazimi 1-1 kuotohet me 12.5, po aq sa edhe fitorja 3-1 e vendasve.
 
Kundërshtarët
 
Gjatë prononcimeve të djeshme për shtyp, trajneri Morten Olsen e ka vlerësuar Shqipërinë si një kundërshtar më të fortë sesa Malta (me të cilët fituan 3-0 në fundjavë).  
 
Megjithatë, trajneri i Danimarkës mendon se të mërkurën skuadrën e tij e pret një përballje më e lehtë, pasi kuqezinjtë nuk janë aq të shpejtë në fazën sulmuese. “Përgjithësisht, shqiptarët janë më të mirë se Malta dhe me lojtarë mjaft cilësorë, si Skela apo Lala.  
 
Por ata nuk janë aq të paparashikueshëm në fazën sulmuese, pasi i mungojnë lojtarët e shpejtë si Mifsud apo Kohen. Sulmuesit maltezë u hapën shumë probleme edhe mbrojtësve portugezë, Pepe e Karvajo”, tha Olsen. Në kampin kundërshtar ndiqet me vëmendje rikuperimi i sulmuesit të Arsenalit, Niklas Bendtner, për prezencën në fushë të së cilit do të vendoset sot.  
 
 
 
 

Zgjedhja e Kuzhe, askush nuk i pranoi kushtet  

Josip Kuzhe ka fituar garen per stolin e Kombetares shqiptare, pasi ishte kandidati i vetem qe pranoi te jetonte ne Shqiperi me kushtet financiare te percaktuara nga Federata Shqiptare e Futbollit.  
 
Keto jane disa nga prapaskenat e marreveshjes me trajnerin kroat, te zbuluara nga zv/presidenti i FSHF-se, Lutfi Nuri.  
 
Dje, 56-vjeçari qe ne te kaluaren ka drejtuar Dinamon e Zagrebit dhe NK Zagreb, ka zhvilluar biseda te gjata me kreret e institucionit qe drejton futbollin ne vend. Ne qender te vemendjes ishin pergatitjet per sfiden eliminatore me Portugaline, me 6 qershor ne stadiumin “Qemal Stafa”.  
 
Perpara se te hynte ne takim, Nuri nuk nguroi te fliste rreth emerimit te Kuzhese. “eshte nje trajner i mire. Personalisht vleresoj aftesite si teknik dhe mendoj se fakti qe ne te kaluaren mund te kete luajtur kumar nuk ka shume rendesi. Tani ai nuk luan me”, deklaroi numri 2 i federates.
 
“Nga te gjithe ata qe kontaktuam, Kuzhe ishte me i miri qe momentalisht mund te punonte me Kombetaren. Nuk duhet harruar se ai plotesoi nje nga kerkesat tona kryesore, pra shpernguljen ne vendin tone, per te qendruar gjate gjithe kohes prane realitetit te futbollit shqiptar. Pranoi te jetonte ketu me kushtet financiare qe ofronim”.
 
Ish-drejtuesi i larte i Tiranes konfirmoi se Josip Kuzhe paguhet me pak sesa paraardhesi i tij, Ari Han. Kroati, i cili gezonte mbeshtetjen e madhe te Oto Bariç, do te paguhet 10 mije euro ne muaj, pra 2500 euro me pak se ish-trajneri holandez. Zhgenjimet ne tri ndeshjet e mbetura ne Grupin 1 te Boterorit 2010 (kunder Portugalise, Suedise dhe Danimarkes) jane marre parasysh, duke pare edhe forcen e kundershtareve.  
 
Pavaresisht rezultateve, detyra kryesore e teknikut te ri eshte hedhja e bazave per perfaqesuesen e se ardhmes. Nuri, pjesemarres ne negociatat e mbajtura ne Tirane dhe Vjene tha: “Me aq pak para sa ofronte federata, te jeni te bindur se asnje nga kandidatet e tjere nuk do te pranonte. Ai paguhet me pak edhe se Ari Han, i cili u largua nga Shqiperia afro nje muaj e gjysme me pare”.  
 
Zv/presidenti hodhi poshte edhe zerat per debate ne Komitetin Ekzekutiv pas zgjedhjes se Kuzhe.
 
“Nuk ka pasur kundershtime. Asgje nga ato qe u thane nuk jane te verteta. Vendimi ishte unanim. Qe ne fillim, objektivi ishte te gjendej nje trajner ballkanas, qe ashtu si Oto Bariç e njeh psikologjine tone. Mendoj se kjo ishte pika e dobet e Hanit, qe per asnje moment nuk arriti te fitonte zemrat e shqiptareve. Ndoshta edhe Kuzhe do te deshtoje ne takimet e para, por qellimi kryesor eshte qe ai te ndertoje Kombetaren e se ardhmes”. Edhe pse do te luajne me tri skuadrat me te forta te ketyre eliminatoreve, kuqezinjte do te synojne te marrin pike.  
 
“Duhet t’i shohim gjerat si jane. Ndeshja e pare e Kuzhese eshte ajo me Portugaline dhe eshte tejet e veshtire per t’u fituar. Ne rast rezultati negativ trajneri mund te sulmohet, por nuk eshte faji i tij: koha ne dispozicion eshte e shkurter dhe pesha bie mbi ne (federaten), qe nuk po arrinim te gjenim nje trajner”, perfundoi Nuri.